ლონდონის "ტოტენჰემი" მზად იყო, რომ ფერმინ ლოპესში დიდი ფული გადაეხადა, - იუწყება Relevo.

"დეზების" ინტერესი პარიზის ოლიმპიური თამაშების შემდეგ გაიზარდა. ტურნირზე, სადაც ოქროს მედლები ესპანეთის ნაკრებმა მოიგო, ფერმინმა 6 გოლი გაიტანა და "ფურია როხას" ულიდერა.

მიუხედავად საკმაოდ მაცდური წინადადებისა, "ბარსელონამ" 21 წლის ნახევარმცველის გაყიდვაზე უარი თქვა.

კატალონიურ გრანდში ფერმინს გუნდის მომავლის მნიშვნელოვან ნაწილად განიხილავენ, ამიტომ მის გაყიდვაზე არც კი ფიქრობენ.

ლოპესს "ბლაუგრანასთან" კონტრაქტი 2027 წლის ივლისამდე აკავშირებს. მისი გამოსასყიდი თანხა 400 მილიონი ევროა.

ახალ სეზონში ფერმინმა 3 მატჩში მოასწრო მონაწილეობა, თუმცა საგოლე მოქმედებით თავი ჯერ არ გამოუჩენია.