"ბარსელონას" ესპანელმა შემტევმა, დანი ოლმომ "ჟირონასთან" მატჩში თავი გოლით კი გამოიჩინა, მაგრამ ამ შეხვედრაში მისთვის ცუდი რამეც მოხდა. საქმე იმაში მდგომარეობს, რომ 26 წლის ფეხბურთელს ესპანეთის ნაკრების შეკრებაზე მიღებულმა დაზიანებამ შეახსენა თავი.

ჟურნალისტ ხავი მიგელის ცნობით, დანი 7-დან 10 დღემდე იუქმებს.

ეს იმას ნიშნავს, რომ ოლმო ჩემპიონთა ლიგაზე "ლურჯ-ბროწეულისფერთა" მიერ გასამართ პირველ შეხვედრას, სადაც გუნდი "მონაკოს" უნდა დაუპირისპირდეს, დააკლდება.

რაც შეეხება იმას, იქნება თუ არა დანი "ვილიარეალთან" შეხვედრაში, ეს ჯერ კიდევ გასარკვევია.

მონეგასკებს კატალონიური გრანდი 19 სექტემბერს ესტუმრება, ხოლო "ყვითელ წყალქვეშა ნავს" - 22 სექტემბერს.

აქვე გეტყვით, რომ ოლმოს "ბლაუგრანას" მაისურით ჩატარებულ 3 მატჩში 3 გოლი აქვს გატანილი.