"ბარსელონას" ქალთა გუნდის ვარსკვლავს, აიტანა ბონმატის გასულ ზაფხულს უამრავი სარფიანი შეთავაზება ჰქონდა, თუმცა მან "ბარსელონაში" გადაწყვიტა დარჩენა, დღეს კი კლუბთან ახალ კონტრაქტს მოაწერა ხელი.

ესპანელ შემტევსა და "ლურჯ-ბროწეულისფრებს" შორის გაფორმებული ხელშეკრულება 2028 წლის ივლისამდე იმოქმედებს.

ESPN-ის ინფორმაციით, ბონმატი მსოფლიოში ყველაზე მაღალანაზღაურებადი ფეხბურთელი ქალი გახდა.

ზუსტი რიცხვი არ სახელდება, მაგრამ დღევანდლამდე, "ბარსა ფემენეში" ყველაზე დიდი ხელფასი ალესია პუტელიასს ჰქონდა, რომელიც კვირაში 15 000 ევროს, ყოველწლიურად კი - 800 ათას ევროს გამოიმუშავებდა.

უნდა ვივარაუდოთ, რომ აიტანას წლიური ანაზღაურება დაახლოებით 1 მილიონი ევრო იქნება.

ცნობისთვის, 26 წლის ბონმატი ოქროს ბურთის მოქმედი მფლობელია.