დღეს ესპანურ პრესაში გავრცელდა ინფორმაცია, რომ "ბარსელონას" 26 წლის შემტევი, დანი ოლმო 5-6 კვირით გამოაკლდა. "ლაიფციგიდან" შეძენილ ვარსკვლავს ბარძაყზე ჰამსტრინგის კუნთი აქვს დაზიანებული.
El Chiringuito TV-ს თუ დავუჯერებთ, დანი "ბლაუგრანას" მომდევნო 6 მატჩს აუცილებლად გამოტოვებს, "სევილიასთან" და "ბაიერნთან" მისი თამაში კი საეჭვოა.
უფრო ოპტიმისტური ცნობები მოდის SPORT-ის ჟურნალისტ ტონი ხუანმარტისგან.
წყაროს თანახმად, ოლმოს ტრავმა სერიოზული არაა, მაგრამ "ბარსას" მისი ჯანმრთელობით გარისკვა არ სურს, რადგან ესპანელის ახლახანს მორჩენილი ტრავმის შესახებ მოეხსენება. გარდა ამისა, გუნდს "ბაიერნთან" და "რეალთან" უმნიშვნელოვანესი მატჩები ელის.
სწორედ ამიტომ, "ბლაუგრანაში" გადაწყვიტეს, რომ დანი ესპანეთის ნაკრების ოქტომბრის შეკრებაზე არ გაუშვან.
უდიდესი ალბათობით, ოლმო "სევილიასთან" გასამართი მატჩისთვის, რომელიც 20 ოქტომბერსაა ჩანიშნული, მზად იქნება.
