როგორც უკვე ცნობილია, ანდრეას კრისტენსენი ამჟამად აქილევსის მყესის ტრავმას იშუშებს. თუმცა, ამ დრომდე არ არის ცნობილი, თუ როდის დაბრუნდება ის მოედანზე.

როგორც ირკვევა, დანიელი ცენტრალური მცველი მკურნალობის კონსერვატიულ გეგმას გადის, რის გამოც  მოედანზე მისი დაბრუნება დამოკიდებული იქნება იმაზე, თუ როგორ გაუმკლავდება ის რეაბილიტაციის პროცესს.

ეს არ არის პირველი შემთხვევა, როდესაც კრისტენსენი აქილევსის დაზიანებას შეეჭიდა. თითქმის მთელი გასული სეზონი, მან მსგავსი დაზიანებით ჩაატარა და მატჩები მხოლოდ იანვრის თვეში გამოტოვა.

მიუხედავად დისკომფორტისა, კრისტენსენმა 2023/24 წლების კამპანიაში 37 მატჩი ჩაატარა, ახლა კი, გულშემატივრისთვისაც და კლუბისთვისაც, მისი დაბრუნების ზუსტი თარიღი უცნობად რჩება.