"ბარსელონამ" ოფიციალურად დაადასტურა, რომ გუნდის ესპანელმა ნახევარმცველმა, ფერმინ ლოპესმა კიდევ ერთი ტრავმა მიიღო.
21 წლის ფეხბურთელს რამდენინემე კვირის წინ მიღებული დაზიანება თითქმის მოშუშებული ჰქონდა და მოედანზე უახლოეს დღეებში უნდა დაბრუნებულიყო, მაგრამ დღევანდელმა სავარჯიშო სესიამ მას კვლავ ლაზარეთში აიძულა შებრუნება.
ფერმინმა მარჯვენა ფეხის კვადრიცეპსის კუნთი იტკინა. მისი უქმობის სავარაუდო პერიოდად 3 კვირა სახელდება.
ეს იმას ნიშნავს, რომ ლოპესი "ბლაუგრანას" 6 მატჩს დააკლდება:
"მონაკოსთან" - 19 სექტემბერს
"ვილიარეალთან" - 22 სექტემბერს
"ხეტაფესთან" - 25 ოქტომბერს
"ოსასუნასთან" - 28 სექტემბერს
"იანგ ბოიზთან" - 1 ოქტომბერს
"ალავესთან" - 6 ოქტომბერს
ფერმინს მინდორზე 20 ოქტომბერს, "სევილიას" წინააღმდეგ ელოდებიან. ამ მატჩში უნდა დაბრუნდეს დანი ოლმოც.
