"ბარსელონას" ნახევარდაცვის რგოლში სერიოზული პრობლემები აქვს. ფრენკი დე იონგი და პაბლო გავი სათამაშო კონდიციებში ჯერ არ არიან, მარკ ბერნალი გუნდს 1 წლით ჩამოშორდა, დანი ოლმომ "ჟირონასთან" 5-კვირიანი ტრავმა მიიღო, გუშინ კი ესპანელი ახალწვეულის შემცვლელად შეგულებული ფერმინ ლოპესი დაიმტვრა.
"ლურჯ-ბროწეულისფრებს" ხვალ ჩემპიონთა ლიგის მნიშვნელოვანი შეხვედრა ელით "მონაკოს" წინააღმდეგ, ჰანსი ფლიკმა კი ოლმოს დანაკლისის აღმოფხვრის გზა უნდა იპოვოს.
Mundo Deportivo გერმანელ სპეციალისტს 4 გზას სთავაზობს:
- ათიანის პოზიცია რაფინიამ დაიკავოს, ფერან ტორესმა კი მარცხენა ფლანგზე ითამაშოს.
- ერიკ გარსია საყრდენ ნახევარმცველად დადგეს, ათიანის ფუნქციები კი პედრიმ შეასრულოს.
- დანი ოლმო პირდაპირ პაბლო ტორემ შეცვალოს.
ყველაზე რეალური პირველი სცენარის განხორციელებაა, თუმცა ვინ იცის, ფლიკმა მონეგასკებს სიურპრიზიც მოუმზადოს.
აქვე შეგახსენებთ, რომ "ლუი II-ზე" ჩასატარებელი ჯახი თბილისის დროით 23 საათზე დაიწყება.
