როგორც მოგეხსენებათ, "ბარსელონამ" ჩემპიონთა ლიგა მარცხით დაიწყო. კატალონიელები გასვლაზე "მონაკოსთან" დამარცხდნენ, ანგარიშით 2:1.

ესპანური SPORT-ის ჟურნალისტმა, ივან სან ანტონიომ მოგვაწოდა ცნობები იმის შესახებ, თუ რა უთხრა "ლურჯ-ბროწეულისფერთა" მთავარმა მწვრთნელმა, ჰანსი ფლიკმა თავის ფეხბურთელებს წაგებული მატჩის შემდეგ.

აი, რას წერს სან ანტონიო:

"მატჩის მერე ფლიკმა მოთამაშეები გაამხნევა და აღნიშნა, რომ ერიკ გარსიას წითელმა ბარათმა ყველაფერი შეცვალა. 

ჰანსიმ ფეხბურთელებს შემართება და გამძლეობა შეუქო. მას სჯერა, რომ ეს გამოცდილება გუნდს მხოლოდ გააძლიერებს."

შეგახსენებთ, რომ ევროპის მთავარი საკლუბო ტურნირის ლიგის ფაზის ეგიდით კატალონიელებს კიდევ 7 მატჩის ჩატარება მოუწევს. პირველ ოქტომბერს ისინი შვეიცარიულ "იანგ ბოიზს" მიიღებენ.