"ბარსელონამ" ლა ლიგის მე-6 ტურის მატჩში მორიგი ბრწყინვალე გამარჯვება კი იზეიმა, დაამარცხა რა "ვილიარეალი" ანგარიშით 1:5, თუმცა შეხვედრის პირველ ტაიმში კატალონიელებმა თავიანთი ნომერ პირველი მეკარე, მარკ ანდრე ტერ შტეგენი დაკარგეს.

32 წლის გერმანელი საჰაერო ორთაბრძოლის შემდეგ მიწაზე ცუდად დაეშვა, მერე კი მოედნიდან საკაცით გახდა გასაყვანი. შემთხვევა პირველ ტაიმში მოხდა, როდესაც ანგარიში 1:2 გახლდათ.

RAC1-ის ინფორმაციით, მარკ-ანდრემ მარჯვენა მუხლში მყესი გაიწყვიტა. მის რეაბილიტაციას 8 თვე დასჭირდება.

ტერ შტეგენს ოპერაციის ჩატარება სჭირდება.

ეს ნიშნავს იმასაც, რომ ტერ შტეგენი გუნდს სეზონის დასკვნით ნაწილამდე ვერ დაუბრუნდება. იქამდე "ბარსა" ან ინიაკი პენიას უნდა დაეყრდნოს, ან იანვარში ახალი მეკარე ეძებოს.