ESPN-ის ინფორმაციით, "ბარსელონა" მარკ ბერნალს ახალ ხელშეკრულებას ამ კვირაში წარუდგენს. 

როგორც ცნობილია, "მანჩესტერ იუნაიტედისა" და "ნიუკასლის" ინტერესი ესპანელის მიმართ სერიოზული იყო, კლუბები გეგმავდნენ, ბერნალის 20 მილიონიანი გამოსყიდვის პუნქტი უპრობლემოდ აემოქმედებინათ, თუმცა, როგორც ჩანს, მარკი "ბარსაში" დარჩება. 

17 წლის ბერნალის ამჟამინდელი ხელშეკრულების ამოწურვის ვადა 2026 წელია, ახლანდელი წინადადებით კი, თარიღი 2029 წლამდე გადაიწევს. 

შეგახსენებთ, რომ სეზონის საკმაოდ კარგი სტარტის ფონზე, საყრდენმა ნახევარმცველმა უმძიმესი ტრავმა მიიღო, რის გამოც ის კამპანიის დარჩენილ ნაწილს გამოაკლდება. ჰანსი ფლიკის გეგმებში ეს უკანასკნელი ძირითადი შემადგენლობის წევრად მოიაზრება.