"ბარსელონას" ბრაზილიელმა შემტევმა, რაფინიამ ახალი სეზონი ბრწყინვალედ დაიწყო.

27 წლის გარემარბს ლა ლიგის 6 მატჩში უკვე 5 გოლი და 2 ასისტი აქვს აქტივში.

"ლურჯ-ბროწეულისფერთა" ერთ-ერთმა კაპიტანმა "ვალიადოლიდის" წინააღმდეგ ჰეთ თრიქი შეასრულა, "ვილიარეალთან" კი დუბლით გამოირჩა.

სხვათა შორის, რაფინია ლა ლიგაში საუკეთესოა შექმნილი საგოლე მომენტების რიცხვითაც.

ბრაზილიელმა 6 ტურში 19 საგოლე შანსი შექმნა. მსგავსი მაჩვენებელი ესპანეთის ჩემპიონატში სხვას არავის აქვს.

რაფინიას თავისი სტატისტიკის გაუმჯობესება ხვალ, "ხეტაფესთან" გასამართ მატჩში შეეძლება.