"ბარსელონამ" ლა ლიგის მე-7 ტურში "ხეტაფეს" უმასპინძლა და 1:0 მოუგო. მატჩის ერთადერთი გოლი მე-19 წუთზე "ლურჯ-ბროწეულისფერთა" ცენტრფორვარდმა, რობერტ ლევანდოვსკიმ გაიტანა.

შეხვედრის საუკეთესო ფეხბურთელად ლამინ იამალი დასახელდა. მართალია, 17 წლის ფეხბურთელს საგოლე მოქმედება არ მიუთვლია, თუმცა თავი უამრავი ეფექტური მომენტით დაგვამახსოვრა.

იამალმა მინდორი კოჭლობით დატოვა, მაგრამ, Cadena Ser-ს თუ დავუჯერებთ, ეს მხოლოდ კოჭში მიღებული დარტყმისგან გამოწვეული ტკივილის ბრალი გახლდათ.

"ბარსას" გასახდელში ამბობენ, რომ სერიოზული არაფერია და ლამინი თავს კარგად გრძნობს.

ცნობისთვის, მომდევნო მატჩი "ბლაუგრანას" "ოსასუნას" წინააღმდეგ ელოდება. 28 სექტემბერს გასამართი ჯახი თბილისის დროით 23 საათზე დაიწყება.