ჟურნალისტი არანჩა როდრიგესი ირწმუნება, რომ ევროპული ფეხბურთის მმართველმა ორგანიზაცია უეფამ "ბარსელონა" დააჯარიმა.

ამის მიზეზი კატალონიური გრანდის ქომაგების ქმედება გახლდა. "მონაკოსთან" გამართულ მატჩში "ბარსას" რამდენიმე გულშემატკივარმა რასისტული შინაარსის ბანერი გადმოფინა.

"ბლაუგრანას" 10 ათასი ევროს გადახდა დაეკისრა. გარდა ამისა, "ლურჯ-ბროწეულისფრებს" მომდევნო საგარეო შეხვედრაში თავიანთი ქომაგებისთვის ბილეთების მიყიდვა არ შეეძლებათ.

ეს იმას ნიშნავს, რომ 7 ნოემბერს, "ცრვენა ზვეზდას" წინააღმდეგ ბელგრადში ფლიკის გუნდს ვერავინ გაამხნევებს.

ცნობისთვის, ჩემპიონთა ლიგის ფაზა "ბარსამ" "მონაკოსთან" მარცხით დაიწყო. პირველ ოქტომბერს "ბლაუგრანა" შვეიცარიულ "იანგ ბოიზს" უმასპინძლებს.