11 თვის და 2 კვირის წინ
არაუხოსა და ვინისიუსის შესანიშნავი ურთიერთობის ამბავი
არაუხოსა და ვინისიუსის შესანიშნავი ურთიერთობის ამბავი

თანამედროვე "ელ კლასიკოს" ერთ-ერთი ყველაზე გამორჩეული მახასიათებელი რონალდ არაუხოსა და ვინისიუს ჟუნიორის დუელია. "ბარსელონას" მცველი და "რეალის" გარემარბი ერთმანეთს ძალიან ხშირად უპირისპირდებიან და ამ ბრძოლაში გამარჯვება უმეტესად ურუგვაელს რჩება ხოლმე.

Mundo Deportivo წერს, რომ მიუხედავად ამ დუელის დაძაბულობისა, ფეხბურთელებს ერთმანეთთან შესანიშნავი ურთიერთობა აქვთ.

არაუხო პორტუგალიურ ენას ბრწყინვალედ ფლობს. მოგეხსენებათ, ბრაზილიელი ვინისიუსისთვის ეს ენა მშობლიურია, ამიტომ ამან იგი ძალიან დააინტერესა.

წყაროს თანახმად, ახალგაზრდა ვარსკვლავები ერთმანეთს ძალიან დიდ პატივს სცემენ. არაუხომ ვინისიუსს დაბადების დღის მისალოცი ტექსტიც კი გაუგზავნა.

შეგახსენებთ, რომ მათ კიდევ ერთ ჯახს კვირას, თბილისის დროით 23:55 საათიდან ვიხილავთ.


Facebook კომენტარები