პაბლო გავი მუხლში ტკივილსა და დისკომფორტს აღარ გრძნობს, - იუწყება Relevo.

გადაწყვეტილებას მხოლოდ "ბარსელონას" ნახევარმცველი რომ იღებდეს, იგი მატჩებში მონაწილეობას უკვე მიიღებდა, თუმცა მწვანე შუქი კლუბმა უნდა აანთოს, "ბლაუგრანაში" კი აჩქარებას არ აპირებენ.

წყაროს თანახმად, პაბლო მინდორზე ოქტომბრის სანაკრებო პაუზის შემდეგ დაბრუნდება.

20 წლის ვარსკვლავმა შეიძლება "სევილიას", მიუნხენის "ბაიერნის" ან მადრიდის "რეალის" წინააღმდეგ ითამაშოს.

აქვე შეგახსენებთ, რომ გავიმ ჯვარედინი იოგები გასული წლის ნოემბერში, ესპანეთისა და საქართველოს ნაკრებებს შორის გამართულ მატჩში გაიწყვიტა.