The Athletic-ის ინფორმაციით, "ბარსელონა" ერთ-ერთია ევროპის იმ რამდენიმე გრანდს შორის, რომლებიც ბრაზილიური "პალმეირასის" ცენტრალური მცველით, ვიტორ რეისით არიან დაინტერესებულნი.

18 წლის ფეხბურთელი "მწვანეების" პირველ გუნდში წელს გამოჩნდა, იქ მალევე დაიმკვიდრა თავი და უკვე 15 მატჩშიც მიიღო მონაწილეობა.

რეისს ხშირად ადარებენ ისეთ ბრაზილიელ უკანახაზელებს, როგორებიც მარკინიოსი და ედერ მილიტაო არიან.

ვიტორს "პალმეირასთან" კონტრაქტი 2028 წლის ივლისამდე აკავშირებს. მისი გამოსასყიდი თანხის ოდენობა 100 მილიონი ევროა.

მიუხედავად ამისა, "ბლაუგრანა" ახალგაზრდა მცველის სიტუაციას ყურადღებით აკვირდება. კატალონიელებს კონკურენციას მადრიდის "რეალი" და ლონდონის "არსენალი" გაუწევთ.