"ბარსელონას" პოლონელმა თავდამსხმელმა, რობერტ ლევანდოვსკიმ შვეიცარიულ "იანგ ბოიზს" დუბლი შეუსრულა და ჩემპიონთა ლიგის ახალ სეზონში საკუთარი ანგარიშიც გახსნა.

ევროპის მთავარ საკლუბო ტურნირზე 36 წლის ცენტრფორვარდს უკვე 96 გოლი აქვს გატანილი.

საინტერესოა, რომ იმ ფეხბურთელებს შორის, რომლებსაც ჩემპიონთა ლიგაზე მინიმუმ 50-ჯერ გაუტანიათ, ლევანდოვსკის გოლების ჩატარებულ მატჩებთან შეფარდების საუკეთესო მაჩვენებელი აქვს: 0.79

პირველობას პოლონელი ლიონელ მესისთან იყოფს.

ტოპ 5 ასე გამოიყურება:

რობერტ ლევანდოვსკი - 0.79

ლიონელ მესი - 0.79

კრიშტიანუ რონალდუ - 0.77

რუუდ ვან ნისლტეროი - 0.77

ქარიმ ბენზემა - 0.59