"იანგ ბოიზთან" მოგებულ მატჩში "ბარსელონას" ესპანელ თავდამსხმელს, ანსუ ფატის 30 წუთი დაეთმო.

ჩემპიონთა ლიგის მიმდინარე სეზონში 21 წლის ფორვარდი მოედანზე მეორედ გამოჩნდა. "მონაკოსთან" შეხვედრასთან შედარებით, ანსუმანეს სათამაშო დრო შესამჩნევად გახლდათ გაზრდილი.

ფატიმ სოციალურ ქსელში პოსტიც განათავსა, სადაც მადლობა გადაუხადა გულშემატკივრებს, რომლებიც "მონჟუიკის" ტრიბუნებიდან აპლოდისმენტებით მიესალმნენ.

"მნიშვნელოვანი გამარჯვება! ისევ მსიამოვნებს თქვენთან ურთიერთობა! მადლობა, კულეებო," - მიმართა ანსუმ თავის 10-მილიონიან აუდიტორიას.

აქვე გეტყვით, რომ სეზონის დასაწყისი ფატიმ ტერფის ტრავმის გამო გამოტოვა. ლა ლიგაში მას ჯერ კიდევ არ უთამაშია.