დანი ოლმოს ტრავმიდან რეაბილიტაციის პროცესი შესანიშნავად მიმდინარეობს, - იუწყება SPORT-ის ჟურნალისტი, ივან სან ანტონიო.

როგორც ირკვევა, "ბარსელონას" ესპანელი ნახევარმცველი მოედანს ოქტომბრის სანაკრებო პაუზის შემდეგ, "სევილიას" წინააღმდეგ გასამართ მატჩში უნდა დაუბრუნდეს.

შეგახსენებთ, რომ დანიმ ტრავმა "ჟირონასთან" შეხვედრაში მიიღო. კატალონიურ გრანდს იგი 5 მატჩით გამოაკლდა და ვერც 6 ოქტომბერს, "ალავესის" წინააღმდეგ დაეხმარება.

მიმდინარე სეზონში ოლმოს მონაგარი 3 მატჩში გატანილი 3 გოლია.

აქვე გეტყვით, რომ "სევილიას" "ლურჯ-ბროწეულისფრები" 20 ოქტომბერს, თბილისის დროით 23 საათიდან შეერკინებიან.