ტურინის "იუვენტუსი" "ბარსელონას" ესპანელი თავდამსხმელით, ფერან ტორესითაა დაინტერესებული, - იუწყება Mundo Deportivo იტალიურ წყაროებზე დაყრდნობით.

"ბებერმა ქალბატონმა" 24 წლის ფორვარდი სამიზნეში გასული ზაფხულის სატრანსფერო ფანჯრის მიმდინარეობისასაც ამოიღო. პიემონტელებს მაშინ ფერანის დუშან ვლაჰოვიჩისთვის შეწყვილება სურდათ.

მიუხედავად ამისა, თავად ტორესი მხოლოდ "ბლაუგრანაზე" ფიქრობს და წარმატების მიღწევას მარტო კატალონიაში განიხილავს.

ფერანს "ლურჯ-ბროწეულისფრებთან" კონტრაქტი 2027 წლის ივლისამდე აკავშირებს.

მიმდინარე სეზონში ჩატარებულ 9 მატჩში ტორესმა 1 გოლი და 2 ასისტი მიითვალა.