გუშინდელ მატჩში, "ალავესის" წინააღმდეგ, რობერტ ლევანდოვსკიმ "ბარსელონასთან" ერთად კვლავ გაიბრწყინა და თავი 3 გოლით გამოიჩინა. 

ამ მომენტისთვის, პოლონელი თავდამსხმელი, 10 გატანილი გოლით, ტოპ 5 ჩემპიონატის მასშტაბით ბომბარდირთა სიის ლიდერია. მან მოახერხა და მიმდინარე სეზონში იმაზე მეტი გოლი გაიტანა, ვიდრე მატჩი ჩაატარა (ყველა ტურნირზე 11თამაშში 12 გოლი). 

სწორედ ამ მაჩვენებლით, ლევანდოვსკიმ მოახერხა და გადაუსწრო "მანჩესტერ სიტის" ერლინგ ჰალანდსა (11 გოლი) და "ბაიერნის" ინგლისელ ფორვარდს, ჰარი კეინს (10 გოლი). 

ბუნებრივია, ჰანსი ფლიკის გუნდის წარმატებაში უდიდესი წვლილი სწორედ ლევანდოვსკის დიდებულ შედეგიანობას მიუძღვის. 9 ტურის შემდეგ, "ბლაუგრანა" ლა ლიგის ცხრილს 24 ქულით ლიდერობს.