ჰანსი ფლიკი აპირებს, რომ პაბლო გავი "სევილიასთან" მატჩის განაცხადში მოახვედროს, - იუწყება Mundo Deportivo.

წყაროს თანახმად, 20 წლის ნახევარმცველი სრული დატვირთით ვარჯიშობს. "ბლაუგრანას" მთავარი მწვრთნელი მას ეხუმრება კიდეც, რომ ამდენი ენერგიის დახარჯვა საჭირო არაა.

სხვათა შორის, "სევილიას" წინააღმდეგ ელოდებიან დანი ოლმოს დაბრუნებასაც.

შეგახსენებთ, რომ "ალავესთან" გამარჯვების შემდეგ, "ბარსას" ფეხბურთელები სანაკრებო მატჩებისთვის გაემგზავრებიან. ცხადია, იმ მოთამაშეებს, რომლებიც ტრავმებს ახლაღა იშუშებენ, ეს არ ეხებათ.

კატალონიურ-ანდალუსიური ჯახი 20 ოქტომბერს, თბილისის დროით 23 საათზე დაიწყება.