კუნ აგუერო "ბარსელონას" სასამართლოში უჩივის, - იუწყება Diario AS.

არგენტინელ თავდამსხმელს იმ 3 მილიონი ევროს მიღება უნდა, რომელიც მას ხელფასის სახით უნდა გამოემუშავებინა. 

მას მერე, რაც აგუერომ კარიერა გულის პრობლემების გამო დაასრულა, "ბლაუგრანა" მას კონტრაქტით გათვალისწინებული ანაზღაურების გადახდას სადაზღვევო კომპანიის გავლით შეპირდა, თუმცა კომპანიამ ამაზე უარი განაცხადა.

დამზღვევის არგუმენტი ის გახლდათ, რომ ფორვარდის მდგომარეობა, რომელმაც მას ბუცების ლურსმანზე დაკიდება აიძულა, იქამდე არსებული იყო.

სერხიოს ბანაკს სხვა შეხედულება აქვს და ვინაიდან "ბარსასგან" თანხა კუნს არ მიუღია, დავა მალე დაიწყება.

შეგახსენებთ, რომ არგენტინელმა კარიერა 2021 წლის დეკემბერში დაასრულა. ლურჯ-ბროწეულისფერი მაისურით ჩატარებულ 5 მატჩში მან 1 გოლი გაიტანა.