Sport-ის ინფორმაციით, "ბარსელონა" მარჯვენა განაპირა მცველს ეძებს, რა დროსაც მთავარ კანდიდატად "ლილის" ტიაგო სანტოსი გამოიკვეთა. 

კლუბმა სანტოსის მიმართ ინტერესი უკვე გამოთქვა, განსაკუთრების კი ყურადღება გამახვილდა მის შემტევ უნარებზე, რომელიც ამ სეზონის მიმდინარეობისას მან არაერთხელ გამოავლინა. 

როგორც ირკვევა, "ბლაუგრანა" სანტოსის აგენტს, ხორხე მენდესს უკვე დაუკავშირდა. კატალონიელებს სჯერათ, რომ ტრანსფერის განხორციელება მომავალ ზაფხულში თავისუფლად შეეძლებათ. 

ბუნებრივია, სანტოსის დამატება სხვა ევროპული გრანდების სურვილიცაა, სწორედ ამიტომ, "ბარსელონამ" გარკვეული ნაბიჯების გადადგმა აქედანვე უნდა დაიწყოს. ამ მომენტისთვის, Transfermarkt-ის მონაცემებით, 22 წლის პორტუგალიელის ფასი 15 მილიონი ევროა.