გასული წლის აგვისტოს თვეში, როდესაც ლამინ იამალი "ბარსელონას" პირველ გუნდში გამოჩნდა, მისი სატრანსფერო ღირებულება 20 მილიონ ევროს შეადგენდა.

ახლა კი, დაახლოებით ერთი წლის შემდეგ, ესპანელი სუპერტალანტის ფასმა წარმოუდგენელ ნიშნულს მიაღწია. იამალის ამჟამინდელი ღირებულება 150 მილიონი ევროა.

17 წლის ასაკში, იამალი "ბარსელონას" ყველაზე ძვირადღირებული ფეხბურთელია, თანაც დიდი სხვაობით. მაგალითისთვის, კლუბის მეორე ყველაზე ძვირად შეფასებული მოთამაშეები გავი და პედრი არიან, რომელთა სატრანსფერო ღირებულება 90 და 80 მილიონ ევროს შეადგნს.

გარდა ამისა, გავრცელდა ინფორმაცია, რომლის მიხედვითაც, დანიის ნაკრების წინააღმდეგ მატჩში, ლამინი ესპანეთის ნაკრების 10 ნომრიან მაისურს მოირგებს, რაც ამ ასაკში ძალიან მნიშვნელოვანი მიღწევაა.