როგორც მოგეხსენებათ, "ბარსელონას" დღეს ლა ლიგის 26-ე ტურის მატჩი ელოდება მადრიდის "რეალის" წინააღმდეგ.

SPORT-მა შემოგვთავაზა "ლურჯ-ბროწეულისფერთა" სავარაუდო შემადგენლობა დღევანდელი "კლასიკოსთვის", რომელიც შემდეგნაირად გამოიყურება:

მეკარე: მარკ ანდრე ტერ შტეგენი

დაცვა: რონალდ არაუხო, ანდრეას კრისტენსენი, ჟიულ კუნდე, ალეხანდრო ბალდე

ნახევარდაცვა: სერხიო ბუსკეტსი, ფრენკი დე იონგი, ფრანკ კესიე

თავდასხმა: პაბლო გავი, რობერტ ლევანდოვსკი, რაფინია

ჩავი ისევ ჩვეულ ტაქტიკას მიმართავს და გავი მარცხენა გარემარბის პოზიციას დაიკავებს. ბოლო ორ "კლასიკოში" ამ გადაწყვეტილებამ ნამდვილად გაამართლა.

შეგახსენებთ, რომ მატჩი თბილისის დროით 23:55 საათზე დაიწყება.