დანი ოლმოს და ფერმინ ლოპესს სამედიცინო შტაბმა სათამაშოდ მწვანე შუქი აუნთო, - იუწყება Diario SPORT.

"ბარსელონას" მომდევნო მატჩი 20 ოქტომბერს, "სევილიას" წინააღმდეგ ელოდება. მოსალოდნელია, რომ ესპანელ ნახევარმცველებს ჰანსი ფლიკი განაცხადში შეიყვანს.

ოლმოს "ბლაუგრანასთვის" 15 სექტემბრის შემდეგ არ უთამაშია. მაშინ მან "ჟირონას" გაუტანა, მერე კი კუნთის ტრავმა მიიღო.

რაც შეეხება ფერმინს, იგი სექტემბრის სანაკრებო პაუზის მიმდინარეობისას დაიტრავმა.

გარდა ამ დუეტისა, უახლოეს პერიოდში ველოდებით მოედანზე პაბლო გავის დაბრუნებასაც.