"მანჩესტერ სიტის" მთავარმა მწვრთნელმა, ხოსეპ გვარდიოლამ განაცხადა, რომ ჩემპიონთა ლიგაზე "ბარსელონასთან" დაპირისპირებას არ ისურვებდა.

"ბარსელონასთან" შეხვედრას არასდროს ვისურვებდი! ის სიყვარული და ბმა, რაც ამ კლუბთან მაკავშირებს, მანადგურებს.

ძალიან გამიმართლა, რომ ამ კლუბში ვმუშაობდი. იქ უბედნიერესი ვიყავი. "ბარსა" ჩემი ცხოვრების კლუბია," - თქვა "სიტიზენთა" თავკაცმა.

გარდა ამისა, პეპმა თავისი ყოფილი შეგირდი, ლიონელ მესი ყველა დროის საუკეთესო ფეხბურთელად დაასახელა: "შეიძლება, ეს პელესადმი და მარადონასადმი უპატივცემულობად ჩამითვალოთ, მაგრამ მესის მსგავსი არავინ წარმომიდგენია. მისი სტაბილურობა შეუდარებელია."

შეგახსენებთ, რომ გვარდიოლა "ბლაუგრანას" 2008-2012 წლებში ხელმძღვანელობდა. კატალონიურ გრანდს მან 14 ტიტული მოაგებინა.