როგორც მოგეხსენებათ, "ბარსელონას" 17 წლის გარემარბს, ლამინ იამალს ბარძაყის კუნთის გადაღლა აღენიშნება, რის გამოც მან ესპანეთის ნაკრების შეკრება ნაადრევად დატოვა.
"ბლაუგრანას" მომდევნო მატჩი 20 ოქტომბერს, "სევილიას" წინააღმდეგ ელოდება, იქ კი იამალის მონაწილეობა დიდი კითხვის ნიშნის ქვეშ დგას.
იმ ფონზე, რომ ტრავმირებულია "ლურჯ-ბროწეულისფერთა" კიდევ ერთი თავდამსხმელი, ფერან ტორესი, ჰანსი ფლიკს იამალის შემცვლელად სულ 2 კანდიდატი რჩება.
ჟურნალისტ სერხი კაპდევილას ინფორმაციით, "ბარსას" მესაჭე სასტარტო შემადგენლობაში ანსუ ფატის ან პაუ ვიქტორს დააყენებს.
ვიქტორი ძირითად თერთმეტეულში "ოსასუნას" წინააღმდეგ ვიხილეთ და იქ მან გოლიც გაიტანა, ანსუსთვის კი ეს პირველი სტარტი იქნება მიმდინარე სეზონში.
აქვე შეგახსენებთ, რომ კატალონიურ-ანდალუსიური ჯახი თბილისის დროით 23 საათზე დაიწყება.
