გავრცელებული ინფორმაციით, "მანჩესტერ იუნაიტედი" ფრენკი დე იონგის შეძენას კვლავ ეცდება. ამჯერად კლუბი ნიდერლანდელის დამატებას იანვარში განიხილავს. 

SPORT-ის ცნობით, ერიკ ტენ ჰაგმა დე იონგის დამატება პორადად მოითხოვა. შეგახსენებთ, რომ ნიდერლანდელი "ბარსას" ნახევარმცველთან "აიაქსში" ყოფნის პერიოდში მუშაობდა. 

"იუნაიტედი" 27 წლის დე იონგის შეძენას უკვე ბოლო ორი წელია აქტიურად ცდილობს, მაგრამ უშედეგოდ. მიუხედავად ამისა, "წითელი ეშმაკები" ბედს კიდევ ერთხელ, ზამთრის სატრანსფერო ფანჯრის დროს ცდიან. 

თავის მხრივ, დე იონგი მძიმე ტრავმიდან უკვე დაბრუნდა და ივარაუდება, რომ სულ მალე მას მოედანზეც ვიხილავთ. როგორც ირკვევა, ფლიკი გეგმავს, რომ ის 20 ოქტომბრის მატჩში "სევილიას" წინააღმდეგ განაცხადში შეიყვანოს.