ჩემპიონთა ლიგის ფაზის მე-3 ტურში "ბარსელონა" დღეს მიუნხენის "ბაიერნს" დაუპირისპირდება და ეცდება, რომ ამ გუნდთან წაგებული ზედიზედ 6 მატჩის შემდეგ, დადებითი შედეგი დააფიქსიროს.

Mundo Deportivo-ს ჟურნალისტის, ფერნანდო პოლოს ინფორმაციით, აღნიშნულ შეხვედრას "ლურჯ-ბროწეულისფერთათვის" სხვა დატვირთვაც ექნება.

წყაროს თანახმად, "ბლაუგრანა" "რეკორდმაისტერის" კანადელ მარჯვენა მცველს, ალფონსო დევისს დააკვირდება. 23 წლის ფლანგელი ზაფხულში თავისუფალი აგენტი ხდება, რაც მას "ბარსასთვის" კიდევ უფრო საინტერესო ვარიანტად ხდის.

კატალონიელთათვის შემაფერხებელი შეიძლება ის აღმოჩნდეს, რომ ბოლო ცნობების მიხედვით, ალფონსო ხელმოწერის ბონუსად 15 მილიონ ევროს ითხოვს, ეს კი საკმაოდ სერიოზული თანხაა.

სხვათა შორის, კანადელს დღეს "ბარსას" 17 წლის ვარსკვლავის, ლამინ იამალის წინააღმდეგ მოუწევს ასპარეზობა. შესაბამისად, მას საკმაოდ დიდი გამოცდა ელოდება წინ.

შეგახსენებთ, რომ კატალონიურ-ბავარიული ჯახი თბილისის დროით 23 საათზე დაიწყება.