"ბარსელონას" მთავარმა მწვრთნელმა, ჰანსი ფლიკმა მიუნხენის "ბაიერნთან" მოგებული შეხვედრა მატჩისშემდგომ ინტერვიუში შეაფასა.

"ძალიან ბედნიერი ვარ. ყველას შეუძლია ამ ფეხბურთელების დონის დანახვა... მეორე ტაიმში ნახავდით, თუ როგორ შევინარჩუნეთ თამაშზე კონტროლი და როგორ ვათამაშებდით ბურთს.

პირველი გოლის შემდეგ იყო 10-15 წუთი, სადაც საკმაოდ გაგვიჭირდა. საბოლოო ჯამში, სასიამოვნოა, რომ გუნდმა რთული მდგომარეობიდან გამოსვლა შეძლო. ახალგაზრდა გუნდი ვართ და ეს მნიშნელოვანია. ჩვენ გაცილებით დიდი პოტენციალი გვაქვს. ვეცდებით, რომ ყველა მატჩი ასე ვითამაშოთ და კიდევ უფრო განვვითარდეთ.

კასადო გასაოცარი ფეხბურთელია. თქვენ რომ იცოდეთ, საიდან მოვიდა იგი და რამდენად დიდი პროგრესი განიცადა... ის "ლა მასიას" ჭეშმარიტი პროდუქტია. მარკი დაცვაშიც და ბურთის ფლობაშიც ერთნაირად შთამბეჭდავია.

შედეგი დაუჯერებელია... "ბაიერნი" დიდი გუნდია. როცა ასეთ მატჩს იგებ, უნდა იზეიმო კიდეც. ეს გუნდის თვითრწმენასაც ადგება. ცხადია, შაბათის მატჩისთვის ეს ძალიან გამოგვადგება," - თქვა გერმანელმა.

შეგახსენებთ, რომ რაფინიას ჰეთ თრიქისა და რობერტ ლევანდოვსკის გოლის წყალობით, "ლურჯ-ბროწეულისფრებმა" ბავარიელებს 4:1 მოუგეს. ჩემპიონთა ლიგის ცხრილში ისინი მე-10 პოზიციას იკავებენ, 6 ნოემბერს კი ბელგრადში "ცრვენა ზვეზდას" დაუპირისპირდებიან.

რაც შეეხება 26 ოქტომბერს, კატალონიელთა მეტოქე მადრიდის "რეალი" იქნება.