ლამინ იამალმა მიუნხენის "ბაიერნის" წინააღმდეგ წუხელ ულამაზესი საგოლე გადაცემა მიითვალა და რამდენიმე შთამბეჭდავი მომენტიც შემოგვთავაზა. 

მატჩის დასრულების შემდეგ, "ბარსას" 17 წლის ვარსკვლავმა მადრიდის "რეალის" გულშემატკივრის დასაცინადაც გამონახა დრო.

საქმე იმაში მდგომარეობს, რომ "სამეფო კლუბის" გულშემატკივარმა ტიკ ტოკზე ვიდეო მაშინ ატვირთა, როცა გუშინდელი შეხვედრის ანგარიში 1:1 გახლდათ, წარწერა კი ასეთი გაუკეთა: "სად არის ლამინ იამალი?"

საბოლოო ჯამში, "თეთრების" ფანს სიჩქარე ძვირად დაუჯდა, რადგან "ბარსამ" 4:1 გაიმარჯვა, კატალონიელთა ქომაგებმა დასცინეს, ბოლოს კი ლამინმაც დაუკომენტარა: "დაისვენე, პატარა კაცო."

შეგახსენებთ, რომ მიმდინარე სეზონში იამალის მონაგარი 5 გოლი და 7 საგოლე გადაცემაა (ყველა ტურნირზე).