"ბარსელონას" 17 წლის შემტევი, ლამინ იამალი 2024 წლის საუკეთესო ახალგაზრდა ფეხბურთელად დასახელდა. "ლურჯ-ბროწეულისფერთა" ვარსკვლავს კოპას ჯილდო გადაეცა.

სამადლობელ სიტყვაში ლამინმა შემდეგი რამ განაცხადა:

"ამ ჯილდოს მიღება დიდი პატივია. მადლობა France Football-ს. პრიზს ვუძღვნი დედაჩემს, ბებიაჩემს, გუნდს, მწვრთნელებს, ჩემს ოჯახს... ეს მათთვისაა, ვინც მხარს მიჭერდა. გაუმარჯოს "ბარსელონას"!

მადლობა ლუისს, ჩავისა და ჰანსი ფლიკს"

აღსანიშნავია, რომ კოპას ჯილდოს რეიტინგში მე-5 ადგილზე გავიდა კიდევ ერთი "ბარსელონელი", პაუ კუბარსი.