პაბლო გავის "ესპანიოლთან" მატჩში სათამაშოდ ნახევარი საათი მიეცემა, - იუწყება SPORT.

წყაროს თანახმად, თავად ესპანელ ნახევარმცველზე რომ იყოს დამოკიდებული, იგი ხვალვე გაატარებდა მინდორზე 90 წუთს, მაგრამ "ბარსელონაში" მას ძალიან ფრთხილად ეპყრობიან.

"ლურჯ-ბროწეულისფერთა" მთავარი მწვრთნელი, ჰანსი ფლიკი პაბლოსთვის გამოყოფილი დროის თანდათან გაზრდას აპირებს. 

"სევილიას", "ბაიერნისა" და "რეალის" წინააღმდეგ პაბლომ მინდორზე ლიმიტირებული დრო დაჰყო. ცხადია, ფორმაში შესასვლელად მას დროის მომატება დასჭირდება.

გერმანელი სპეციალისტი კმაყოფილია გავის მიერ სავარჯიშო სესიებზე ნაჩვენები თამაშითაც.

შეგახსენებთ, რომ კატალონიური დერბი ხვალ, თბილისის დროით 19:15 საათზე დაიწყება.