ლა ლიგის მე-12 ტურის მატჩში "ბარსელონამ" "ესპანიოლს" 3:1 მოუგო. მასპინძლებმა გამარჯვება პირველივე ტაიმში გაინაღდეს, რაც დანი ოლმოს დუბლისა და რაფინიას გოლის დამსახურება გახლდათ. ერთადერთი, რაც "თუთიყუშებმა" გაახერხეს, ხავი პუადოს მიერ 63-ე წუთზე გატანილი გოლი გახლდათ.

სხვათა შორის, "ესპანიოლს" 3 გოლი გააუქმეს. აქედან 2 თამაშგარე მდგომარეობაში ყოფნის გამო, ხოლო ერთიც იმიტომ, რომ ბურთმა მოედნის პირითა ხაზი გადაკვეთა.

მოგებული შეხვედრა "ლურჯ-ბროწეულისფერთა" მთავარმა მწვრთნელმა, ჰანსი ფლიკმა შეაფასა.

"დერბი ყოველთვის რთულია. პირველ ტაიმში გუნდის მოწოდების სიმაღლეზე იყო, მეორე ნახევარში კი ჩვეულ დონეზე არ გვითამაშია. ბურთი ბევრჯერ დავკარგეთ და "ესპანიოლმა" გოლი ამიტომ გაგვიტანა. ეს უნდა გამოვასწოროთ."

"მნიშვნელოვანია, რომ გავი სასტარტო შემადგენლობას ნაბიჯ-ნაბიჯ დაუბრუნდეს."

"ძალიან მოხარულები ვართ დანი ოლმოს დაბრუნებით. დღევანდელი გამარჯვება დიდწილად მისი დამსახურება იყო."

"არაფრის და არავის მეშინია. ყველაფერს გულმოდგინეთ ვამზადებთ და ჩვენს გუნდს ვენდობით. ფეხბურთელები მუდმივად 100%-ით იხარჯებიან და ქომაგებს მათი ნახვა აბედნიერებთ. გვინდა, რომ ასეც გაგრძელდეს."

"კასადოს დიდი პროგრესი აქვს. ეს გასაოცარია. იგი ძალიან კარგად უტევს და თავსაც ძალიან კარგად იცავს."

"ფერან ტორესი დღეს მატჩს არ დასწრებია? სრულიად მესმის იმისი, თუ რატომ არ იმყოფებოდა ფერანი სტადიონზე. ახლა იმაზე გაცილებით მნიშვნელოვანი რამ ხდება, რაც ფეხბურთია... ეს ნორმალურია."

როგორც მოგეხსენებათ, რამდენიმე დღის წინ ვალენსიაში წყალდიდობა მოხდა, რამაც დიდი მსხვერპლი გამოიწვია. ვალენსია ტორესის მშობლიური რეგიონია. სწორედ ამ ფაქტორს გულისხმობდა ჰანსი.

ცნობისთვის, "ბარსას" 33 ქულა აქვს და სატურნირო ცხრილს 9 ქულიანი უპირატესობით ლიდერობს, თუმცა "რეალს" მე-12 ტურის მატჩი გადაუდეს. შესაბამისად, პოტენციურად, სხვაობა 6 ქულაა.