როგორც მოგეხსენებათ, "ბარსელონამ" ლა ლიგის 27-ე ტურში მადრიდის "რეალი" დაამარცხა, ანგარიშით 2:1.

ლა ლიგის სეზონის გადამწყვეტ "ელ კლასიკოს" "კამპ ნოუ" სრული ანშლაგით შეეგება. მატჩს 95 ათასზე მეტი გულშემატკივარი დაესწრო.

RAC1 იუწყება, რომ ქომაგების რაოდენობამ "ლურჯ-ბროწეულისფერთ" წუხელ რეკორდი დაამყარებინა.

ბილეთების გაყიდვით კატალონიელებმა 8.1 მილიონი ევრო გამოიმუშავეს.

ამ 8 მილიონიდან 3 მილიონი ევრო კლუბს ვიპ-ლოჟებში დაჯავშნული ადგილების წყალობით შეუვიდა ბიუჯეტში.

შეგახსენებთ, რომ "ბლაუგრანამ" წუხელ სერხი რობერტოსა და ფრანკ კესიეს გოლებით იმარჯვა.