როგორც მოგეხსენებათ, "ბარსელონა" ხვალ ბელგრადის "ცრვენა ზვეზდას" დაუპირისპირდება და ჩემპიონთა ლიგის მიმდინარე გათამაშებაში მიჯრით მესამე გამარჯვების მოპოვებას ეცდება.

მატჩისწინა პრესკონფერენციაზე, მასპინძელთა ნახევარმცველმა, ანდრია მაქსიმოვიჩმა "ბლაუგრანას" 17 წლის სუპერვარსკვლავის, ლამინ იამალის შესახებ ისაუბრა.

"ხვალ მოედანზე გავალ და ლამინ იამალს ვაჩვენებ, რომ მასზე უკეთესი ვარ.

ასევე ვგეგმავ მასთან მაისურის გაცვლასაც. იამალი დიდებული ფეხბურთელია," - თქვა მაქსიმოვიჩმა, რომელიც, სხვათა შორის, ლამინის თანატოლია.

მიმდინარე სეზონში ჩატარებულ 16 მატჩში ანდრიას მონაგარი 6 გოლი და 6 ასისტია.

შეგახსენებთ, რომ "ცრვენა ზვეზდასა" და "ბარსას" ჯახი თბილისის დროით ზუსტად შუაღამით დაიწყება.