"ბარსელონადან" "რეალ ბეტისში" განათხოვრებულმა ვიტორ როკემ კატალონიური გრანდი და მისი ყოფილი მთავარი მწვრთნელი, ჩავი ერნანდესი გააკრიტიკა.

"დიახ, ახალგაზრდა ვარ, მაგრამ ფეხბურთში ძნელბედობის დროც გამომივლია. მიუხედავად ამისა, მსგავს ამბებს ყოველთვის გამოცდილებად ვიღებდი და მათგან ვსწავლობდი.

"ბარსელონაში" ბევრი კარგიც ვნახე და ბევრი ცუდიც, ახლა კი, "ბეტისში" ბედნიერი ვარ.

ძალიან რთულია მიხვიდე "ბარსას" დონის გუნდში, როცა შენში ამდენი ფულია გადახდილი. ხოლო როდესაც ხალხი არ გეხმარება, ეს საქმეს კიდევ უფრო ართულებს.

"ბარსელონაზე" ბევრს არ ვკითხულობ. "ბეტისზე" ვარ კონცენტრირებული. აქ ბედნიერი ვარ და სხვა არაფერი მაინტერესებს. ნებისმიერ შემთხვევაში, ინფორმაცია ჩემამდე მაინც მოდის," - თქვა ვიტორმა.

შეგახსენებთ, რომ როკეში "ლურჯ-ბროწეულისფრებმა" "ატლეტიკო პარანაენსეს" 31 მილიონი ევრო გადაუხადეს. ჩავი ერნანდესის ხელში მას თამაშის საშუალება სულ 16 მატჩში მიეცა, სადაც თავი 2 გოლით გამოიჩინა, ჰანსი ფლიკმა კი გუნდში არ დაიტოვა. 

ბრაზილიეილი ახლა "ბეტისში" 2-წლიანი იჯარითაა გაშვებული. ანდალუსიელთა მაისურით ჩატარებულ 12 შეხვედრაში მან 4 გოლი შეაგდო.