გავრცელებული ინფორმაციით, ჩემპიონთა ლიგის ბოლო ტურში მიღებული სერიოზული დაზიანების მიუხედავად, პაუ კუბარსის კვირას "რეალ სოსიედადის" წინააღმდეგ თამაში სურს. ამისათვის ესპანელმა კლუბს სთხოვა, მისთვის შესაბამისი ნიღაბი მოეძებნათ.
ახალგაზრდა ესპანელის მოთხოვნის შესაბამისად, სამედიცინო შტაბის წევრები დღეს დაუკავშირდნენ სპეციალისტს, რათა მოეძებნათ მისთვის ისეთი ნიღაბი, რომელიც ხელს შეუშლის ჭრილობის გაუარესებას და ფეხბურთელის მხედველობასაც დიდად არ გააუარესებს.
გადაწყვეტილებას, მოხვდება თუ არა კუბარსი "რეალ სოსიედადის" წინააღმდეგ გასამართი მატჩის განაცხადში, ჰანსი ფლიკი ხვალ მიიღებს. ბუნებრივია, პირველ რიგში, ამის შესახებ გერმანელი სპეციალისტი კლუბის ექიმებთან გაივლის კონსულტაციას.
შეგახსენებთ, რომ ლა ლიგის მე-13 ტურის წინ, "ბარსელონა" ჩემპიონატის ცხრილს 33 ქულით ლიდერობს. ამ მომენტისთვის, ფლიკის გუნდმა ჩატარებული 12 მატჩიდან გამარჯვების მოპოვება 11-ში მოახერხა.
