დღეს ლა ლიგის მე-13 ტურის მატჩი გაიმართება, სადაც "რეალ სოსიედადი" "ბარსელონას" უმასპინძლებს. SPORT-ის ვარაუდით, ჰანსი ფლიკი დღეს მოედანზე ასეთ თერთმეტეულს გამოიყვანს:

მეკარე: ინიაკი პენია

დაცვა: ჟულ კუნდე, ინიგო მარტინესი, პაუ კუბარსი, ალეხანდრო ბალდე

ნახევარდაცვა: პედრი, მარკ კასადო, დანი ოლმო

თავდასხმა: ლამინ იამალი, რობერტ ლევანდოვსკი, რაფინია

Mundo Deportivo ოდნავ განსხვავებულ თერთმეტეულს ელოდება. პირველი ცვლილება ნახევარდაცვაშია, სადაც კასადოს ფრენკი დე იონგი შეუწყვილეს, გამთამაშებლად კი ოლმო ან პედრი დააყენეს. რაც შეეხება შეტევის მარცხენა ფრთას, იქ ფერმინ ლოპესს ვხედავთ.

კატალონიური გამოცემა ამით იმ ცნობას გამოეხმაურა, რომ ფლიკი დღეს იამალის დასვენებას გეგმავს.

ცნობისთვის, მატჩი თბილისის დროით ზუსტად შუაღამით დაიწყება.