"ბარსელონა" ლამინ იამალის კოჭზე სამედიცინო შემოწმებას დღეს ჩაატარებს, - იუწყება Diario AS-ის ჟურნალისტი, ხავი მიგელი.

კატალონიურ გრანდში იმ დისკომფორტის გამომწვევი მიზეზის პოვნა სურთ, რომელმაც 17 წლის ვარსკვლავს "რეალ სოსიედადთან" მატჩში მონაწილეობის საშუალება არ მისცა.

გამოკვლევის შედეგები ესპანეთის ეროვნული ნაკრების სამედიცინო შტაბს გადაეგზავნება. "ბარსაში" იმედოვნებენ, რომ ლამინს "ფურია როხას" განაცხადიდან ამოიღებენ და მას დღეს მადრიდში გამგზავრება არ მოუწევს.

შეგახსენებთ, რომ იამალმა გუშინ სეზონში პირველი მატჩი გამოტოვა. ლა ლიგის მიმდინარე გათამაშებაში ესპანელმა სულ 2 შეხვედრა ვერ დაიწყო სასტარტო შემადგენლობიდან და "ლურჯ-ბროწეულისფრებმა" ორივე წააგეს.

ამ სეზონში ჩატარებულ 16 მატჩში ლამინის მონაგარი 6 გოლი და 8 ასისტია.