ფრენკი დე იონგი "რეალ სოსიედადთან" მატჩის შესვენებაზე ატირდა, - იუწყება SPORT.

ნიდერლანდელ ნახევარმცველს ეგონა, რომ შეხვედრის პირველ ტაიმში მიღებული დარტყმით გამოწვეული ტკივილი სერიოზული ტრავმის ბრალი იყო, რაც მას ფეხბურთს ისევ დიდი ხნით ჩამოაშორებდა.

ჰანსი ფლიკმა ფრენკის მდგომარეობა შეამჩნია და იგი დანი ოლმოთი ჩაანაცვლა.

საბედნიეროდ, 27 წლის შუახაზელის შიში არ გამართლდა. დე იონგი თავს კარგად გრძნობს და ნიდერლანდების ეროვნული გუნდის შეკრებაზეც მიემგზავრება.

შეგახსენებთ, რომ ფრენკიმ კოჭის ტრავმა, რომლის მკურნალობასაც ნახევარი წელი მოანდომა, ცოტა ხნის წინ მოიშუშა. მიმდინარე სეზონში მას სულ 7 მატჩი აქვს ჩატარებული.