ფრენკი დე იონგი ნიდერლანდების ნაკრებს უახლოეს მატჩებში ვერ დაეხმარება, - იუწყება De Telegraaf.

ნიდერლანდური გამოცემის ინფორმაციით, 25 წლის ნახევარმცველმა "ელ კლასიკოს" შემდეგ დისკომფორტი იგრძნო.

გამოკვლევამ აჩვენა, რომ "ბარსელონას" ვარსკვლავს 2 კვირით დასვენება სჭირდება.

მაშასადამე, "ნარინჯისფრებს" საფრანგეთისა და გიბრალტარის ეროვნულ გუნდებთან თამაში ფრენკის გარეშე მოუწევთ.

მიმდინარე სეზონში დე იონგმა 34 მატჩში მიიღო მონაწილეობა, გაიტანა 2 გოლი და გააკეთა 1 საგოლე გადაცემა.