"ბარსელონა" ხვიჩა კვარაცხელიას გარემოცვას დაუკავშირდა, რათა ტრანსფერის განხორციელების შესაძლებლობა გამოიკვლიოს, - იუწყება La Gazzetta dello SPORT.

იტალიური გამოცემის ინფორმაციით, ქართველი ვარსკვლავი "ნაპოლისთან" ახალ კონტრაქტზე შეთანხმებას კვლავ ვერ ახერხებს. მთავარი პრობლემა გამოსასყიდი თანხის განსაზღვრაა. "პარტენოპეიში" სურთ, რომ ხელშეკრულებაში გამოსასყიდ თანხად 100 მილიონი ევრო ჩაიწეროს, ფეხბურთელის მხარის მოთხოვნა კი 80 მილიონი ევროა.

აღსანიშნავია უთანხმოება სახელფასო საკითხთან დაკავშირებითაც.

23 წლის შემტევი სეზონში 1.5 მილიონ ევროს გამოიმუშავებს. კამპანიელთა შეთავაზება შემდეგნაირია: 5 მილიონი ევრო სეზონში + ბონუსი, რომლის მიღების შემთხვევაშიც, კვარას ანაზღაურება რომელუ ლუკაკუსას (6 მილიონი ევრო, ყველაზე დიდი "ნაპოლიში) გაუტოლდება. ხვიჩას აგენტი მისი კლიენტისთვის დაახლოებით 8 მილიონ ევროს ითხოვს.

მოლაპარაკებები უახლოეს დღეებში გაგრძელდება, როცა "ნაპოლის" პრეზიდენტი, აურელიო დე ლაურენტისი აშშ-დან დაბრუნდება.

ცნობისთვის, გარდა "ბლაუგრანასი", ხვიჩათი "პარი სენ ჟერმენიცაა" დაინტერესებული. პარიზელები ქართველში ზაფხულში 100 მილიონ ევროს იხდიდნენ, მაგრამ შეთავაზება "ლურჯებმა" დაბლოკეს.

მიმდინარე სეზონში ჩატარებულ 14 მატჩში კვარაცხელიას მონაგარი 5 გოლი და 2 ასისტია.