ჰანსი ფლიკმა და დეკუმ 2025 წლის სატრანსფერო ფანჯრის დაგეგმვა უკვე დაიწყეს, - იუწყება SPORT.

ესპანური გამოცემის ინფორმაციით, "ბარსელონას" უფროსობას მკაფიოდ აქვს წარმოდგენილი, თუ რა პოზიციების გაძლიერებაა საჭირო. კლუბში 3 ფეხბურთელის მოყვანა იგეგმება:

უმაღლესი დონის გარემარბი

ორი განაპირა მცველი, დიდი პოტენციალით

"ლურჯ-ბროწეულისფრებს" რომ გარემარბის მოყვანა აქვთ განზრახული, ამაზე დიდი ხანია ვიცით. რამდენიმე დღის წინ, პრესაში 5 გვარიც დასახელდა: ნიკო უილიამსი, რაფა ლეაუ, ხვიჩა კვარაცხელია, მუჰამედ სალაჰი, ლეროი სანე.

რაც შეეხებათ მარჯვენა და მარცხენა მცველებს, კატალონიელთა კონკრეტული სამიზნეები იქ ჯერ არ გამოკვეთილან.