ფრანგული "ლილის" კანადელი თავდამსხმელი, ჯონათან დავიდი 2025 წლის ზაფხულში თავისუფალი აგენტი გახდება. ცხადია, ეს მისადმი გრანდების ინტერესს ზრდის.

24 წლის შემტევის სიტუაციას "ბარსელონა" აკვირდება. ბრძოლაში არიან მილანის "ინტერი" და ტურინის "იუვენტუსიც".

ახლა კი ირკვევა, რომ საქმეში ჩაება მიუნხენის "ბაიერნიც". "რეკორდმაისტერის" სპორტული დირექტორი, მაქს ებერლი კანადელის დიდი თაყვანისმცემელია.

დავიდი "მასტიფებში" ბრწყინვალე სეზონს ატარებს. 19 მატჩში მისი მონაგარი 13 გოლი და 4 საგოლე გადაცემაა.

ცხადია, ახალი ცხრიანის მოყვანა "ბარსას" პოლონელი ვეტერანის, რობერტ ლევანდოვსკის მომავალზეც იქნება დამოკიდებული. ვიცით ისიც, რომ კლუბს უფრო ძვირადღირებული სამიზნეებიც ჰყავს, მაგალითად, ვიქტორ გიოკერეში.