ფრანგული "ლილის" თავდამსხმელმა, ჯონათან დავიდმა, რომელიც "ბარსელონას" ერთ-ერთ სატრანსფერო სამიზნედ განიხილება, კატალონიური გრანდის სიყვარული საჯაროდ დაადასტურა.

"ბარსელონა" არის ის გუნდი, რომელსაც ბავშვობიდან ვგულშემატკივრობდი.

როდესაც რომელიმე გუნდის ქომაგად იზრდები, მათ რიგებში თამაშზეც ოცნებობ!" - განაცხადა 24 წლის ფორვარდმა.

"მასტიფების" კანადელ შემტევს კლუბთან კონტრაქტი 2025 წლის ივლისში ეწურება. ბუნებრივია, "ბარსასთვის" ეს მის კანდიდატურას კიდევ უფრო მომხიბლავს ხდის.

დავიდით დაინტერესებულნი არიან მიუნხენის "ბაიერნი", ტურინის "იუვენტუსი" და მილანის "ინტერიც".

მიმდინარე სეზონში ჩატარებულ 19 მატჩში ჯონათანის მონაგარი 13 გოლი და 2 საგოლე გადაცემაა.