პაბლო გავი იმედგაცრუებულია იმით, რომ მატჩში საშუალოდ მხოლოდ 10 წუთის თამაშის საშუალება ეძლევა, - იუწყება Diario AS-ის ჟურნალისტი, ხავი მიგელი.

გავის მოედანზე მეტი დროის გატარება სურს. ამაში მას "ბლაუგრანას" მთავარი მწვრთნელი, ჰანსი ფლიკი ზღუდავს, რადგან გერმანელ სპეციალისტს პაბლოს მოფრთხილებისკენ სამედიცინო შტაბიდან მოუწოდეს.

წყაროს თანახმად, 20 წლის ნახევარმცველის დატვირთვა მომდევნო შეხვედრებში გაიზრდება.

"ბლაუგრანაში" სურთ, რომ პაბლო ესპანეთის სუპერთასის მატჩებისთვის, რომლებიც იანვარში უნდა გაიმართოს, სასტარტო შემადგენლობაში მოხვედრის კანდიდატი იყოს.

ცნობისთვის, მიმდინარე სეზონში გავის სულ 48 წუთი აქვს ნათამაშები (6 მატჩის განმავლობაში).