"ბარსელონა" ჯონათან დავიდზე ინფორმაციას საკმაო ხანია აგროვებს და მის თამაშს სკაუტებიც ადევნებდნენ თვალს, - იუწყება Mundo Deportivo.
კანადელ თავდამსხმელს "ლილთან" კონტრაქტი 2025 წლის ივლისში ეწურება. გარდა ამისა, რამდენიმე დღის წინ მან "ბლაუგრანაში" თამაშის სურვილი ღიად გამოხატა.
მიუხედავად ამისა, "ბლაუგრანაში" დარწმუნებულნი არ არიან, არის თუ არა დავიდი უმაღლესი დონის ფეხბურთელი და ჩაჯდება თუ არა მათ სათამაშო სტილში.
თანაც, ყველა ფეხბურთელი, რომელიც თავისუფალი აგენტია, ხელმოწერის ბონუსს ითხოვს ხოლმე, რაც მათ ტრანსფერს იმაზე გაცილებით ძვირადღირებულს ხდის, ვიდრე ეს ვინმეს წარმოუდგენია.
"ლურჯ-ბროწეულისფერნი" ცენტრფორვარდის ძებნას აგრძელებენ, რადგან არ სურთ, რომ რობერტ ლევანდოვსკის ალტერნატივად მხოლოდ პაუ ვიქტორი ჰყავდეთ. სწორედ ამიტომ აკვირდებიან ისინი დავიდს, თუმცა ჯერ არ იჩქარებენ და ინფორმაციას ნაწილ-ნაწილ შეაგროვებენ.
მიმდინარე სეზონში ჩატარებულ 19 მატჩში ჯონათანის მონაგარი 13 გოლი და 2 საგოლე გადაცემაა.
